Veislu salir
Allt sem þú þarft
Búnaður, tengiliðir, og mikil reynsla fyrir allskonar veislur
Salir
Við bjóðum eigin veislusal hjá Fröken Selfoss þar sem salaleiga er innifalin í veitingaverði, auk valinna samstarfssala á Suðurlandi. Með því að bóka í gegnum okkur færðu samræmda lausn sem einfaldar skipulag og er oft hagstæðari í heild.
Verðlag
Verðlag er skýrt og gagnsætt, þar sem salur, veitingar og þjónusta eru samræmd í einni lausn. Þetta dregur úr óvissu, einfaldar ákvarðanatöku og tryggir að heildarkostnaður sé fyrirsjáanlegur.
Þjónusta
Reynt teymi sér um framkvæmd viðburðarins frá upphafi til enda. Við sinnum bæði dagveislum og stærri viðburðum fyrir allt að 1.000 manns, með fagmennsku og yfirsýn.
Fröken Selfoss – Veislusalur og viðburðaaðstaða
Fröken Selfoss er fyrst og fremst veitingastaður, en utan háannatíma er salurinn afar vel fallinn til ýmiss konar viðburða. Þetta á sérstaklega við yfir daginn og á virkum dögum, sem og utan há-sumars og utan föstudags- og laugardagskvölda, nema í undantekningartilfellum.
Í veitingasalnum eru 70 sæti og á barsvæðinu bætast við 20 sæti til viðbótar. Við viðburði er hægt að sitja þéttar en í hefðbundnu borðhaldi, sem hefur ítrekað reynst skapa sérstaklega góða stemmningu og lifandi rými.
Rýmið er ekki eingöngu ætlað formlegu borðhaldi. Veitingastaðurinn var hannaður með fjölbreytileika í huga og hefur með góðum árangri hýst meðal annars standandi smáréttaveislur, erfidrykkjur, fermingar, áramótapartý, steikarhlaðborð, fundi og kynningar. Fyrirkomulagið er alltaf lagað að tilefninu og hópnum.
Salaleiga er innifalin í veitingaverði. Allir matseðlar eru í boði yfir daginn og utan háannatíma. Ef viðburður krefst þess að loka veitingastaðnum að kvöldi eða um helgar eru aðeins valdir veislumatseðlar í boði, lágmark 70 manns, það þarf rúman fyrirvara og þá gildir lágmarksvelta á vínveitingum.
Tækjabúnaður er til staðar og hentar vel fyrir fundi, kynningar og viðburði með dagskrá. Í boði er míkrafón og gott innbyggt hátalarakerfi, með möguleika á uppsetningu skjávarpa. Einnig er hægt að tengja mixer í miðjum salnum, setja upp lítið svið á miðju gólfi og koma fyrir tjaldi eftir þörfum og aðstæðum.
Fjöldatakmörk:
Allt að 80 manns í formlegu borðhaldi (allt borið fram á diskum)
Allt að 90 manns í óformlegu fyrirkomulagi (t.d. fermingar, standandi veislur og pinnaveislur)
Ingólfshvoll – Fjölnota veislu- og viðburðasvæði
Ingólfshvoll er einstakur og afar fjölnota viðburðastaður, staðsettur rétt utan við Hveragerði, um 30 mínútna akstur frá Reykjavík. Aðstaðan sameinar gott aðgengi, sveigjanleika og mikla tæknimöguleika og hentar jafnt fyrir hefðbundnar veislur sem mjög stóra og metnaðarfulla viðburði.
Veislusalurinn er tvískiptur, fallega innréttaður og tekur allt að 200 manns í sitjandi borðhaldi. Annar hluti salarins hentar vel sem forsalur fyrir fordrykk, léttar veitingar eða móttöku, áður en gengið er til borðs í aðalveislusalnum. Einnig er hægt að nýta bæði rými samtímis eða leigja hluta salarins fyrir minni viðburði. Í salnum er setustofa og bar, sem skapa hlýlegt og móttækilegt andrúmsloft.
Það sem gerir Ingólfshvoll þó sannarlega einstakan er HorseDay-reiðhöllin, sem er um 1.600 fm fjölnota viðburðasalur með stúku fyrir allt að 500 manns í sætum. Reiðhöllin hefur verið nýtt fyrir allt frá árshátíðum stórfyrirtækja, sýningum og ráðstefnum yfir í tónleika, stórviðburði og framleiðsluverkefni. Þar hefur verið lagt gólf yfir reiðflöt, keyrt foodtruck inn í höllina, sett upp fjölda barstöðva og mótað rýmið algjörlega eftir tilefni.
Ingólfshvoll hentar því jafnt fyrir sitjandi veislur, kokteilboð, fyrirtækja- og starfsmannaferðir sem stórviðburði í reiðhöllinni, þar sem nánast engin takmörk eru á hugmyndum eða útfærslum.
Tækniaðstaða og sviðsmöguleikar
Reiðhöllin er tæknilega mjög vel búin og býður upp á innbyggt hljóðkerfi, öflugan ljósabúnað og stórar skjávarpa- og myndlausnir. Aðstaðan veitir mun meiri sviðs- og sýningarmöguleika en flest hefðbundin leikhús eða salarkynni og hentar jafnt fyrir sýningar, tónleika, ráðstefnur og stórviðburði.
Uppsetning rýmisins gerir kleift að aðlaga svið, ljós og áhorfendasvæði að hverju tilefni og opnar á viðburði fyrir hundruð eða jafnvel þúsundir gesta, allt eftir umfangi og skipulagi.
Til staðar er skotbómulyftari, sem einfaldar uppsetningu á ljósum, hljóði, skjáum og öðrum stórum mannvirkjum og auðveldar framkvæmd stærri verkefna verulega.
Allur viðbótarbúnaður og tækninotkun er háð uppsetningu hvers viðburðar og í mörgum tilvikum búnaðarleigu. Gólfeiningar til að leggja yfir völlinn eru til dæmis ekki til staðar in-house og notkun skjávarpa og annarra kerfa fer fram eftir nánara samráði og ástandi búnaðar hverju sinni.
Salaleiga
Salaleiga er í boði og fer eftir umfangi, uppsetningu og undirbúningi hvers viðburðar. Samkomulag er gert sérstaklega fyrir hvert verkefni.
Tækjabúnaður
Öflugt hljóðkerfi, ljósabúnaður, stórir skjávarpar og fjölbreytt tækniaðstaða. Viðbótarbúnaður og sérlausnir eru skipulagðar í samráði eftir tilefni.
Fjöldatakmörkun
Veislusalur: allt að 200 manns í sitjandi borðhaldi
Stúka í reiðhöll: allt að 500 manns í sætum
Stórviðburðir: allt að 1.000 manns hafa verið á svæðinu samtímis, með áhorf úr stúku og viðbótarsætum á velli
Við tónleika eða mjög stóra árshátíðir er jafnframt hægt að leggja gólf yfir reiðvöllinn og stilla upp fyrir þúsundir gesta í standandi eða blönduðu fyrirkomulagi, ásamt viðbótarklósettaaðstöðu og sérlausnum eftir þörfum.
Loftið – Fundar- og dagskrárrými
Loftið er veislusalur staðsettur í risinu í Vinnustofu bankans í Landsbankahúsinu. Rýmið er í boði til leigu til kl. 18:00 og er ætlað fundahöldum, vinnudögum og dagskrárbundnum viðburðum.
Salurinn er sérlega heppilegur fyrir vinnuferðir og fundi þar sem vinnuaðstaðan í húsinu er afar góð. Hægt er að leigja rýmið fyrir staka fundi, en reynslan sýnir að það kemur einstaklega vel út að byggja upp heildstætt dagsprógram í kringum fundahald.
Algengt fyrirkomulag er að fundur hefjist snemma dags með morgunhressingu, hádegisverði og kaffiveitingum yfir daginn. Að fundi loknum er oft farið í hópefli eða aðra sameiginlega dagskrá utan húss. Seinnipart dags er kjörið að hittast á happy hour á Fröken Selfoss, áður en haldið er áfram í 2–3 rétta kvöldverð á veitingastaðnum. Að kvöldverði loknum velja margir að mæta á viðburð á Sviðinu, eða halda áfram kvöldinu á Risið vínbar, eftir því hvað er í boði hverju sinni.
Þetta fyrirkomulag hefur reynst frábær valkostur við hefðbundnar ráðstefnuhótellausnir og hentar sérstaklega vel fyrir fyrirtæki sem vilja brjóta upp hefðbundið fundarumhverfi og skapa bæði skilvirkan og skemmtilegan dag.
Salaleiga
Salinn er hægt að leigja án veitinga. Þegar veitingar eru hluti af dagskránni sjáum við um þær. Sendið okkur fyrirspurn fyrir nánari upplýsingar.
Tækjabúnaður
Skjávarpi, tjald, míkrafónn, hátalarakerfi og ráðstefnubúnaður
Fjöldatakmörkun:
Allt að 80 manns í hefðbundnu fundarformi, með hlaðborði, pinnaveislu eða í dagskrárbundnu fyrirkomulagi.
.
